Íshúsið ehf hefur reglulega haldið námkseið þar sem farið er í helstu atriði kælitækni.  Í dag var eitt slík haldið þar sem kælimenn víðsvegar af landinu komu saman og fóru yfir helstu þætti sem snúa að viðgerðum á kælitækni. Teknir voru fyrir þeir þættir sem snúa viðgerðum á slíkum tækjum og greiningu bilana.  Námskeiðið var vel sótt og komust færri að en vildu.  Námskeiðið var kennt á mannamáli og með beinni þátttöku þeirra sem það sátu.  Þáttakendur námskeiðsins voru sáttir að lokum enda námskeiðið gert til að auka hæfni þeirra sem nú þegar höfðu reynslu af viðgerðum kælitækja.  Gera má ráð fyrir að næsta námskeið verði haldið í haust.

Íshúsið býður nú upp á gömlu góðu ísvélarnar, sem voru mjög algengar á Íslandi fyrir 2 áratugum þegar þær gengu undir nafninu “íslensku vélarnar”. Þetta voru ódrepandi vélar, sem hafa verið reknar í íslenskri fiskvinnslu í 3 áratugi og margar en í gangi.

Nýju vélarnar hafa verið þróaðar áfram og eru nú með rústfríum stál strokkum og fleiri góðum breytingum. Sett hefur verið upp heimasíða með vélunum: www.isvelar.is.

Kraftvifturnar frá Purline eru komnar aftur, en vifturnar hafa verið uppseldar um nokkra hríð. Vifturnar hafa verið gríðarlega vinsælar vegna þess að þær eru stefnuvirkar og með mjög öflugum spaða.

Íshúsið hefur flutt í nýtt og betra húsnæði að Smiðjuvegi 4a, við hliðina á N1.

Öskuskýið í Reykjavík hefur ekki farið fram hjá neinum. Fyrir fólk með lugnasjúkdóma getur verið varasamt að anda að sér öskunni, sem og óþægindi sem askan veldur þegar hún smígur inn til fólks.

Mikil söluaukning hefur því verið í fjölbreyttum lausnum sem Íshúsið hefur boðið upp á til loftbætingar. Sérstaklega hefur orðið aukning í sölu á lofthreinsitækjum, þar sem tæki sópa til sín ösku ögnum og binda í mjög fíngerðum síum sem ná fínustu kornunum úr öskunni og koma í veg fyrir að hún dreifist frekar um umhverfið.

Rakagjafar hafa einnig verið vinsælir en rakagjafarnir hækka rakastig í íbúðum og á viðverumstöðum, um leið þá bindast öskuagnirnar saman í stærri einingar og falla til jarðar.

Rakagefjandi kælitæki (uppgufunarkælar) er önnur lausn sem hefur verið mjög vinsæl, auk þess að hækka rakastig þá sjúga tækin einnig til sín agnirnar. Þau binda þær bæði saman og auk þess sem síur tækisins soga þær til sín.

Allar frekari upplýsinga er hægt að leita hjá sölumönnum Íshússins í síma 566 6000.

Þótt Íshúsið bjóði upp á loftkælingu fyrir bíla, sem og loftkælingu fyrir glugga, þá mælir Íshúsið ekki með þessari útfærslu.

Við gerum hins vegar við biluð kælikerfi í bíla.

Á dögunum var leitað til Íshússins ehf um að taka þátt í hjálparstarfi á Haíti með því að gefa loftkælikerfi, sem myndi gagnast á skurðstofum og á öðrum stöðum þar sem ekki væri hægt að starfa vegna hita.

Starfsmönnum Íshússins var ljúft og skilt að gefa loftkælingu til hjálparstarfsins.

Fyrirtækið Sabroe / Johnson Controls hefur sent frá sér viðvörun út af kælimiðlum frá Kína sem eru skaðlegir. Bæði eru þeir með skaðleg efni sem geta valdið líkamlegu tjóni komist þeir í snertingu við fólk. Hins vegar eru þeir skaðlegir þeim kerfum sem þeir eru settir á.

Rétt er að taka fram að Íshúsið selur eingöngu kælmiðla frá viðurkenndum framleiðendum.

Tilkynnining frá fyrirtækinu

Undanfarið hefur mikið verið um fyrirspurnir um varmadælur, enda kyndingarkostnaður  hækkað töluvert. Íshúsið hefur bæði boðið upp á kínverskar varmadælur og einnig hágæða varmadælur frá Fujitsu. Frekari upplýsingar hjá sölumönnum Íshússins í síma 566 6000.

Íshúsið býður upp á mikið úrval af varahlutum fyrir kæltæki, en vegna ástandsins á Íslandi er augljóst að mikið hefur aukist að gert sé við gömul kælitæki í staðin fyrir að skipta um þau. Íshúsið á mikið úrval af varahlutum og kælimiðlum fyrir kælitæki, ef þú ert með bilað kælitæki getur þú haft samband við Íshúsið og fengið upplýsingar hvort Íshúsið eigi varahluti eða geti gert við kælitækið.