Topvex loftræsikerfin tákna nýjustu kynslóð loftræsikerfa frá Systemair. Þau eru hönnuð með áherslu á einfaldleika í vali, uppsetningu og notkun; skjóta afhendingu úr breiðu úrvali staðlaðra eininga; og fyrirferðalitla hönnun sem skilar miklum afköstum. Kerfin koma í stærðum sem henta fyrir loftflæði frá u.þ.b. 120 til 9.500 m³/klst.

Fyrir alla – Hönnuði, uppsetningaraðila og eigendur

Topvex kerfin eru hönnuð með þarfir allra hagsmunaaðila í huga:

• Fyrir hönnuði: Mikil orkunýtni, fyrirferðalítil hönnun, breitt úrval staðlaðra eininga og öflugt valforrit (Systemair Configurator) með útflutningi á BIM gögnum auðvelda hönnunarvinnuna og tryggja að kröfur verkefnisins séu uppfylltar.
• Fyrir uppsetningaraðila: Stuttur afhendingartími, einföld innkaup og flutningur (einingum skipt upp eftir þörfum), og „plug-and-play“ uppsetning með notendavænni uppsetningarhjálp (Start-up wizard) spara tíma og fyrirhöfn.
• Fyrir eigendur og rekstraraðila: Lágur heildarrekstrarkostnaður, áreiðanlegur gangur og lágmarksþörf á viðhaldi veita öryggi og hugarró.

Helstu eiginleikar

• Loftflæðisvið: Mikið úrval stærða, frá u.þ.b. 120 til 9.500 m³/klst (fer eftir gerð varmaskiptis og stærð).
• Varmaskiptar: Hægt er að velja um hávirka gagnflæðis- (kross) eða snúningsvarmaskipta (rótor) með yfir 80% varmanýtni (skv. EN308).
• Tengingar: Einingar eru fáanlegar topp- eða hliðartengdar til að henta mismunandi aðstæðum.
• Orkunýting: Lágt SFPv gildi (Specific Fan Power) og orkusparandi EC viftumótorar tryggja lágmarks orkunotkun.
• Loftflæðisstýring: Jafnt loftmagn (CAV – Constant Air Volume) er staðalbúnaður, sem tryggir að loftflæðiskröfur séu uppfylltar. Einnig er hægt að velja þrýstistýrt kerfi fyrir breytilegt loftflæði (VAV – Variable Air Volume) sem aukabúnað til að spara orku og auka sveigjanleika.
• Endingargott hús: Framleitt úr sterku MgZn húðuðu stáli sem veitir framúrskarandi tæringarvörn (C5 flokkur).
• Einangrun: Veggir eru með 50 mm þykkri einangrun fyrir lágmarks varmatap og hljóðeinangrun.
• Aðgengi: Stórar, opnanlegar lúgur á hjörum auðvelda aðgengi fyrir allt viðhald og skoðun.
• Verksmiðjuprófað: Allar Topvex einingar eru ítarlega prófaðar áður en þær fara úr verksmiðju.
• Fjölbreyttir aukahlutir: Mikið úrval aukahluta í boði, þar á meðal tengiflansar, framlengingarkaplar, kælibatterí, aukasíur o.fl.

Varmaskiptar

Mótflæðisvarmaskiptir  (kubbur) (Topvex SC/TC)

• Loftflæði: Frá u.þ.b. 120 til 6.800 m³/klst.
• Hrein aðskilnaður: Engin hætta á blöndun á útsogs- og innblásturslofti.
• Sjálfvirk sumarstilling (bypass) sem staðalbúnaður.
• Endurheimtir einnig kælingu þegar kælikerfi er til staðar.
• Mismunandi afhrímingarstillingar í boði: Bypass eða svæðaskipt (sectional) fyrir krefjandi aðstæður.

Snúningsvarmaskiptir (rótor) (Topvex SR/TR)

• Loftflæði: Frá u.þ.b. 420 til 9.500 m³/klst.
• Hár virkni (>80%) á minna gólfplássi en aðrar lausnir.
• Rakaskiptir (Sorption rotor) fáanlegur sem aukahlutur; endurheimtir raka úr útsogslofti yfir í innblástursloft sem bætir inniloftgæði og minnkar kæliþörf.

Upphitunarmöguleikar

Hægt er að velja um innbyggða hitara sem nota heitt vatn (ýmist lágan eða háan hita) eða rafmagn. Einnig er hægt að fá kerfin án hitara.

Hönnun og uppsetning

Topvex kerfin eru hönnuð með einfalda og hraðvirka uppsetningu í huga. Minni einingarnar koma heilar en stærri kerfum er skipt í einingar sem einfaldar flutning inn í byggingar (flestar einingar passa í gegnum hefðbundna 900mm hurð) og auðveldar samsetningu á uppsetningarstað.

Systemair access stjórnkerfi

Öll Topvex kerfi nota nýja og notendavæna Systemair Access stjórnkerfið. Það býður upp á einfalda og skilvirka stjórnun á loftræsistöðinni og hámarkar orkunýtni. Helstu kostir Access stjórnkerfisins:

• Þráðlaus samskipti: Nýjustu kynslóðir Topvex eru með þráðlaus samskipti sem auðveldar uppsetningu, gangsetningu og daglega notkun. Hægt er að tengjast, stilla og stýra einingunni með Access Connect appinu í snjallsíma eða spjaldtölvu, án þess að þurfa beinan aðgang að stöðinni sjálfri.
• Sveigjanleg stjórnun: Hægt að stýra með handhægu NaviPad stjórnborði (selt sér) eða eigin snjalltæki. Skýrt og einfalt valmyndakerfi.
• Einföld gangsetning: „Plug-and-play“ virkni með leiðandi uppsetningarhjálp (start-up wizard) flýtir fyrir gangsetningu.
• Modbus samskipti: Öll samskipti við innri íhluti (viftur, spjöld, skynjara o.fl.) eru yfir Modbus, sem einfaldar kapallagnir innan stöðvarinnar og utan.
• Tenging við ytri kerfi: Auðveldar tengingar við hússtjórnarkerfi (BMS/SCADA) í gegnum Modbus eða BACnet samskiptastaðla. Allar tengingar eru vel merktar í aðgengilegum stjórnkassa utan á stöðinni.
• Systemair Connect skýjaþjónusta: Möguleiki á tengingu við skýjaþjónustu Systemair sem býður upp á fjarvöktun, fjarstýringu og ítarlega gagnasöfnun fyrir eina eða fleiri loftræsistöðvar.
• Rauntímagögn og saga: Auðvelt er að skoða núverandi stöðu, stillingar og söguleg gögn um rekstur og loftgæði. Þetta einfaldar bilanagreiningu og eftirlit, jafnvel án þess að vera á staðnum.
• Orkuupplýsingar: Kerfið safnar sjálfkrafa gögnum um orkunotkun sem hjálpar til við að hámarka skilvirkni.

Hönnunartól á netinu

Systemair býður upp á öflugt og einfalt hönnunartól á netinu (Systemair Configurator) þar sem hægt er að sérsníða Topvex loftræsistöð nákvæmlega að þörfum hvers verkefnis. Með því að nota forritið (eða Systemair Plugin fyrir Revit, AutoCAD og MagiCAD) færðu aðgang að:

• Nákvæmum útteikningum og BIM gögnum.
• Öllum helstu tæknilegum útreikningum (loftflæði, þrýstifall, SFPv gildi).
• Nákvæmum hljóðgögnum.
• Nákvæmum málum og þyngd fyrir valda útfærslu.
• Öllum nauðsynlegum fylgiskjölum.

Frekari upplýsingar og val

• Bæklingur um Topvex (PDF – enska)
• Almennar upplýsingar á heimasíðu Systemair
• Upplýsingar um Topvex FSU (Floor Standing Units)
• Opna Systemair Configurator (hönnunartól)